Kesyon Moun Poze Souvan Konsènan Aplikasyon pou SNAP
Fason pou Soumèt yon Aplikasyon
Dosye Aplikasyon pou SNAP ak Re-konfimasyon
Kimoun ki kapab aplike?
Tout moun, kèlkeswa kondisyon sitwayènte yo oswa revni yo, gen pèmisyon pou aplike pou avantaj SNAP.
Èske mwen bezwen gen yon Nimewo Sekirite Sosyal [Social Security Number (SSN)] pou mwen kalifye pou avantaj yo?
Anjeneral, pou kalifye pou avantaj SNAP, oumenm ak tout moun lakay ou dwe gen yon Nimewo Sekirite Sosyal [Social Security Number (SSN)] ki valab oswa ou dwe montre prèv ki endike ou aplike pou youn. Si ou gen yon SSN, ou kapab antre li lè w ap ranpli aplikasyon ou sou ACCESS HRA oswa ou kapab ban nou li lè w ap pale avèk yon anplwaye pou travay sou aplikasyon ou. ACCESS HRA kenbe tout enfòmasyon ou an sekrè ak pwoteje.

Si ou aplike pou avantaj SNAP sou non pitit ou yo epi si ou pa gen papye imigrasyon, ou pa bezwen aplike pou yon SSN, epi nou pa kapab fè aksyon defavorab kont moun lakay ou ki kalifye. Pitit ou yo (sof si yo pa gen papye imigrasyon) dwe gen yon SSN valab oswa ou dwe prèv ou te aplike pou youn pou yo kalifye pou avantaj SNAP.

Kisa pou mwen fè si mwen pa gen yon SSN?
Si ou aplike pou avantaj SNAP men ou gen yon SSN, ou ka toujou kalifye pou avantaj yo. Yon anplwaye ap diskite sou chwa ou yo pou avantaj yo pandan entèvyou ou pou nou travay sou aplikasyon ou. Ou kapab konnen kijan pou aplike pou yon SSN la a: Nimewo Ak Kat Sekirite Sosyal
Èske kondisyon imigrasyon mwen pral afekte kalifikasyon mwen?
Ou kapab aplike epi ou resevwa avantaj SNAP pou moun nan kay la (yo) ki kalifye, menmsi oumenm oswa lòt moun lakay ou pa kalifye pou avantaj yo akòz sitiyasyon imigrasyon yo.

Pa egzanp, paran ki pa sitwayen ameriken ki pa kalifye oswa paran ki pa gen papye imigrasyon kapab aplike pou avantaj SNAP epi resevwa avantaj yo pou timoun ki kalifye yo menmsi paran an pa kalifye.

Ou ka kalifye pou Avantaj SNAP si ou se yon sitwayen Etazini (U.S.), yon moun ki pa sitwayen Etazini (moun ki fèt nan Samowa Ameriken oswa sou Zile Swain), oswa yon etranje kalifye (tankou yon refijye).
Kisa yon "kay ki nan SNAP" ye?
Anjeneral, yon "kay ki nan SNAP" gen ladan tout moun ki achte manje epi ki prepare repa yo ansanm. Moun yo pa gen pou yo fè pati menm fanmi an pou yo nan menm kay k ap resevwa SNAP.

Men, moun ki fè pati nan menm fanmi an, oswa sèten moun, souvan dwe endike nan yon kay ki nan SNAP menmsi yo pa achte manje ni prepare repa yo ansanm.

Men kèk egzanp:
  • Madanm ak mari k ap viv ansanm;
  • Moun ki poko gen laj 22 zan epi ki se pitit yon moun nan kay la;
  • Timoun ki poko gen laj 18 tan anba kontwòl yon moun nan kay la kòm paran.
Yon kay kapab nenpòt sa ki endike anba la a:
  • Yon moun k ap viv poukont li,
  • Yon moun k ap viv avèk lòt moun men ki achte manje epi ki prepare repa yo apa;
  • Yon gwoup moun ki viv ansanm epi ki achte ak prepare manje ansanm pou yon gwo kantite repa pa mwa

NÒT: Si w ap viv avèk yon kamarad chanm epi ou pa ni achte manje ni prepare manje ansanm avèk li, tanpri mete non kamarad chanm ou sou aplikasyon an epi antre “Non” nan seksyon Enfòmasyon sou Kay la pou kesyon ‘Èske li achte epi prepare manje avèk ou?”

NÒT: Yon moun ki lwen lakay ou pou sèvis militè pa konte kòm yon moun nan kay ki nan SNAP.
Kisa yon reprezantan otorize ye?
Yon reprezantan otorize se yon moun ki konnen sikonstans kay la epi ki kapab aplike pou avantaj SNAP pou ou. Ou kapab otorize yon moun ki pa lakay ou pou resevwa avantaj SNAP pou ou, epitou ou kapab pèmèt moun sa a achte manje pou ou avèk kat avantaj SNAP ou (Kat EBT). Si ou ta renmen otorize yon moun, ou dwe fè sa alekri.

Nòt: Tout reprezantan yo dwe gen otorizasyon alekri moun ki aplike/benefisyè a oswa lòt manm adilt responsab kay la.

Nou rekòmande, men pa obligatwa,pou tout moun ki aplike/benefisyè yo itilize Fòm Reprezantan Otorize sa a lè y ap chwazi yon reprezantan otorize pou yo aplike pou avantaj SNAP oswa pou yo resevwa avantaj yo.

Kisa aplikasyon an ap mande?
Aplikasyon an pral poze ou kesyon sou:
  • Moun k ap viv lakay ou, ansanm ak laj yo, sa yo ye pou ou, ak kondisyon imigrasyon yo.
  • Lajan moun lakay ou touche nan moman an lè yo travay nan yon djòb oswa nan travay endepandan.
  • Lajan moun lakay ou resevwa nan lòt sous tankou (men pa sèlman), lajan yo resevwa nan Avantaj Asirans Chomaj, Konpansasyon Travayè, Avantaj Sekirite Sosyal, Sipò Timoun, ak Revni Sekirite Siplemantè.
  • Bòdwo ak depans kay ou peye chak mwa ansanm ak peman lwaye oswa peman prè ipotekè, elektrisite, chofaj, gadri oswa bòdwo medikal (ki peye oswa ki pa peye).
  • Resous ki disponib pou moun lakay ou, tankou lajan kach yo gen nan men yo ak nan kont labank yo.
  • Si nenpòt nan moun lakay ou enskri nan yon enstitisyon aprantisaj avanse, tankou kolèj, pwogram fòmasyon pou jwenn travay, biznis, oswa lekòl pwofesyonèl.
N ap mande ou pou bay prèv kèk repons ou te bay. Tanpri gade FAQ sou egzijans dokiman yo pou jwenn plis detay.
Èske aplikasyon pou SNAP sou entènèt diferan avèk aplikasyon pou SNAP sou papye?
  • Nou ka poze ou kesyon yo yon fason diferan sou entènèt pase sou fòm papye a, men menm enfòmasyon yo ap obligatwa nan tout ka yo.
  • Administrasyon Resous Imèn (Human Resources Administration, HRA) detèmine si ou kalifye, kit ou soumèt aplikasyon ou sou entènèt oswa sou papye.
  • Nou itilize menm metòd la nan HRA pou aplikasyon yo kit ou soumèt yo an pèsòn, sou entènèt, pa faks, kit ou soumèt yo pa lapòs.
Ki avantaj ki genyen pou soumèt yon aplikasyon ki ranpli sou entènèt ?
Men avantaj ki genyen lè ou soumèt yon aplikasyon okonplè:
  • Sa ta dwe ede ou ekonomize tan pandan entèvyou ou avèk anplwaye Administrasyon Resous Imèn (Human Resources Administration, HRA). Si ou bay plis enfòmasyon nan aplikasyon ou fè sou entènèt kounye a, anplwaye HRA ou ta ka gen mwens kesyon pou poze ou pita.
  • Ou kapab kòmanse aplikasyon ou sou entènèt epi sovgade li jouk lè ou pare pou ranpli ak soumèt li.

Tanpri sonje tank ou soumèt yon aplikasyon ou ranpli pi bonè, tank n ap revize aplikasyon ou pi bonè epitou tank n ap pran yon desizyon pi bonè.

Enfòmasyon sa yo ap detèmine dat anrejistreman aplikasyon ou. Nan pifò ka yo, si nou detèmine ou kalifye pou avantaj SNAP, n ap ba ou avantaj yo apati dat ajans lan te resevwa aplikasyon ou. Men, ou dwe fè pwosesis aplikasyon an, epi nou dwe fè entèvyou avèk ou pou nou detèmine si ou kalifye.
Ki kantite enfòmasyon minimòm ki obligatwa pou remèt aplikasyon mwen?
Kantite minimòm enfòmasyon ou dwe bay pou soumèt aplikasyon ou se:
  • Non ou
  • Adrès ou (si ou gen youn)
  • Siyati elektwonik ou

Enfòmasyon sa yo ap detèmine dat anrejistreman aplikasyon ou. Nan pifò ka yo, si nou detèmine ou kalifye pou avantaj SNAP, n ap ba ou avantaj yo apati dat ajans lan te resevwa aplikasyon ou. Men, ou dwe fè pwosesis aplikasyon an, epi nou dwe fè entèvyou avèk ou pou nou detèmine si ou kalifye.

Nòt: Ou ta dwe ranpli tout seksyon ou kapab nan aplikasyon anvan ou soumèt li, sa ta dwe redui kantite tan ki nesesè pou fè entèvyou sou kalifikasyon ou avèk yon anplwaye Administrasyon Resous Imèn.
Ki avantaj ki genyen pou reponn kesyon 'Verify your Identity' (verifye idantite ou)?
Si ou reponn kesyon 'Verify your Identity' kòrèkteman, Administrasyon Resous Imèn kapab konfime idantite chèf kay la / kontak prensipal la imedyatman, epitou ou p ap bezwen soumèt dokiman yo (pa egzanp: kat sekirite sosyal oswa batistè) pou pwouve idantite yo apre ou soumèt aplikasyon ou.
Kisa sa vle di pou ‘Fikse  Dat Aplikasyon ou’?
Dat Aplikasyon an fikse nan jou ou siyen sou fòm elektwonik nan ak nan jou ou soumèt aplikasyon ou ba Administrasyon Resous Imèn. Si ou kalifye pou avantaj SNAP, n ap ba ou yo apati dat ou depoze aplikasyon ou.

Si ou soumèt aplikasyon ou sou entènèt apre lè biwo fèmen, dat aplikasyon ou ap pwochen jou ouvrab la.

Ou gen pèmisyon pou soumèt aplikasyon ou epi pou fikse dat aplikasyon ou menmsi ou pa fini tout aplikasyon an. Tanpri sonje nou pa kapab detèmine si ou kalifye jouk lè ou bay tout enfòmasyon ak dokiman ki obligatwa yo.
Ki chanjman mwen dwe deklare bay SNAP epi kilè mwen dwe deklare yo?

Klike la a pou w jwenn enfòmasyon sa yo.
Pwochen Etap yo/ Fason pou Fè Pwosesis la pou Konnen Si Ou Kalifye
Kisa k ap pase apre mwen remèt aplikasyon mwen?
  • Lè ou soumèt aplikasyon ou epi lè ou siyen li sou fòm elektwonik, n ap voye aplikasyon ou ba Administrasyon Resous Imèn.
  • Yon anplwaye HRA ap revize aplikasyon ou.
  • Yon anplwaye HRA ap rele ou pou ba ou yon randevou nan telefòn oswa fas-a-fas nan 2-5 jou ouvrab; tanpri asire ou disponib pou koutfil enpòtan sa a.
  • Depi ou soumèt aplikasyon ou, ACCESS HRA P AP gen aksè nan sitiyasyon aplikasyon ou.
Kijan mwen kapab fè entèvyou mwen? Kisa pou mwen fè si mwen rate koutfil la pou fè entèvyou mwen? Kisa pou mwen fè si mwen bezwen pran yon lòt randevou?
Si nou te ba ou yon dat ak yon peryòd tan pou entèvyou ou:
Yon anplwaye ap rele ou pou fè entèvyou ou nan telefòn. Anpil fwa moun ki aplike yo ka rate entèvyou nan telefòn nan paske koutfil la soti yon nimewo yo pa abitye wè ki rele yo, epi yo pa reponn li. Tanpri espere koutfil la ap soti nan yon nimewo ki pa abitye rele ou epi eseye reponn koutfil la pandan 2-5 jou apre ou remèt aplikasyon ou.

Si ou rate entèvyou ou oswa si ou bezwen pran yon lòt randevou pou lòt rezon, ou kapab kontakte InfoLine Administrasyon Resous Imèn (Human Resources Administration, HRA) nan nimewo 718-557-1399.
Si nou te di ou pou rele yon sèten nimewo pou entèvyou ou:
Si ou te resevwa yon mesaj nan HRA ki te endike ou ta dwe rele nou pou yon entèvyou, tanpri swiv enstwiksyon sa yo paske nou p ap rele ou pou ba ou randevou pou entèvyou a.

Tanpri sonje: Se pa tout kliyan ki kalifye nan moman an ki dwe rele nou pou entèvyou yo, poutèt sa a rele sèlman si ou resevwa mesaj espesyal la apre ou remèt aplikasyon ou sou entènèt oswa si nou di ou pou fè sa sou yon avi ofisyèl Eta New York oswa HRA.
Kijan m ap fè entèvyou mwen pou SNAP?
Anvan ou kapab resevwa avantaj yo, w ap bezwen fè entèvyou ou avèk yon anplwaye nan telefòn oswa fas-a-fas. Apre nou resevwa aplikasyon ou, Administrasyon Resous Imèn ap kontakte ou pou ba ou yon randevou pou entèvyou a.

N ap mande ou pou bay enfòmasyon pou kontakte ou ak pi bon lè pou travayè sosyal ou kontakte ou. Li enpòtan pou bay nimewo telefòn yo kote nou kapab kontakte ou pou ou kapab resevwa avi sou dat ak lè randevou ou nan yon mannyè apwopriye. Tanpri fè nou konnen anvan dat entèvyou a si nimewo telefòn ou chanje apre ou pwograme entèvyou ou.

Pou chanje nimewo telefòn nou gen nan fichye pou dosye ou, tanpri rele Liy Enfòmasyon HRA nan nimewo 718-557-1399.
Kijan mwen kapab soumèt dokiman yo pou kalifikasyon mwen?
Apre ou soumèt aplikasyon ou, yon lis dokiman ou ka bezwen bay Administrasyon Resous Imèn (Human Resources Administration, HRA) ap parèt. Li sa a ka diferan pou chak kay, selon ki enfòmasyon ou te bay sou aplikasyon ou.

Gid Dokiman pou Pwogram Èd Nitrisyon Siplemantè [Supplemental Nutrition Assistance Program (SNAP)] (W-129G) bay yon lis detaye tout dokiman ou kapab itilize pou verifye enfòmasyon ou te bay yo nan aplikasyon ou.

Ou kapab soumèt dokiman yo pou kalifikasyon nan faks, nan yon Sant SNAP, nan telechajman nan aplikasyon mobil, nan yon Òganizasyon Kominotè, oswa pa lapòs.

  • Telechajman Mobil Dokiman ba HRA

    • Antre sit entènèt anba la a nan navigatè smatfòn ou oswa tablèt ou pou soumèt dokiman:
    www.nyc.gov/accesshramobile

  • Faks

    • Bronx ak Queens: 917-639-1113

    Brooklyn, Manhattan ak Staten Island: 917-639-2544

  • Sant SNAP:

    • Klike sou lyen ki anba la a pou jwenn Sant SNAP ki pi pre ou:
    Adrès Sant SNAP:

  • Òganizasyon Kominotè

    • Klike sou lyen ki anba la a pou jwenn yon òganizasyon kominotè ki pi pre ou:
    Òganizasyon Kominotè yo

  • Pa lapòs

    • Si ou ta renmen voye dokiman ou yo ba HRA pa lapòs, tanpri voye kopi dokiman ou yo nan adrès:

    Brooklyn: P.O. Box 380886, Brooklyn NY 11238-9811

    Bronx ak Queens: P.O. Box 19088, Long Island City NY 11101-9773

    Manhattan ak Staten Island: P.O. Box 19088, Long Island City, NY 11101-9773

    Tanpri sonje pou soumèt kopi dokiman ou yo epi pa voye orijinal yo.

Y ap voye yon resi dokiman pou ou pa lapòs depi HRA fin travay sou dokiman ou yo.
Èske mwen gen pou travay pou mwen kapab resevwa avantaj yo?
Apati ane 2016, kèk moun ka bezwen satisfè règ travay Adilt Kosto ki Pa Gen Depandan (Able-Bodied Adults Without Dependents, ABAWD). Si sa aplike pou ou, ou dwe satisfè règ travay ABAWD pou plis pase twa (3) mwa nan trannsis (36) mwa pou resevwa avantaj yo. Yon travayè Administrasyon Resous Imèn kapab diskite sou detay kondisyon travay la avèk ou pandan entèvyou ou.

Answit, gen sitiyasyon kote moun yo dwe respekte dispozisyon Voluntary Quit (kite avèk volonte).
Èske mwen kalifye pou yo Travay Vit sou Aplikasyon mwen?
Ou ka kalifye pou resevwa avantaj SNAP Rapid (pafwa ki vle di avantaj E-SNAP) nan 5 jou almannak apre jou ou aplike pou avantaj yo:
  • Si kay ou gen ti revni oswa resous oswa si li pa genyen ditou, oswa r
  • Si peman lwaye ou ak depans pou sèvis piblik ou yo pi plis pase revni ak resous ou, oswa
  • Ou se yon migran oswa yon travayè agrikòl sezonye ki gen ti revni oswa resous oswa ki pa genyen ditou lè ou aplike.

N ap revize sikonstans yo pou wè si ou kalifye pou nou travay rapid sou aplikasyon ou pou avantaj SNAP ou. Gen yon pwosesis ki anplas pou asire n ap bay avantaj yo nan yon mannyè apwopriye pou tout fanmi ki kalifye pou resevwa avantaj yo anba règ pwosesis rapid la.
Nan konbyen tan m ap resevwa avantaj mwen yo?
  • Nou revize chak aplikasyon pou wè si yon fanmi kalifye pou nou travay vit sou aplikasyon an. Tanpri sonje: Menmsi ou kalifye pou nou travay vit sou dosye ou, ou ka pa kalifye pou yon avantaj SNAP.
  • Anvan ou kapab resevwa avantaj yo, ou dwe fè yon entèvyou avèk yon travayè Administrasyon Resous Imèn pou li kapab kòmanse konnen pou ki avantaj ou kalifye pou resevwa.
  • Si ou kalifye pou nou travay vit sou dosye ou epi si nou detèmine ou kalifye pou avantaj yo, ou ka resevwa yon avantaj rapid yon sèl fwa, pandan w ap tann apwobasyon k ap fèt la, nan 5 jou almannak apati dat ou depoze aplikasyon ou.
Pa egzanp: si ou te ranpli yon aplikasyon nan dat 1ye avril, peryòd 5 jou a ap kòmanse 2 avril epi si nou apwouve li pou nou travay pi vit sou li ak si nou detèmine ou kalifye pou avantaj yo, w ap resevwa yon alokasyon avantaj yo anvan 6 avril. Anjeneral, alokasyon sa a ap dire yon mwa.
Nòt: Nan anpil ka, premye fwa nou bay avantaj yo anba règ pwosesis rapid, ap sou plis pase yon mwa.
  • Dapre lalwa, HRA dwe ba ou yon repons sou aplikasyon w ap fè pou avantaj yo nan 30 jou apre jou ou depoze aplikasyon ou.
    Pa egzanp: si ou te fè aplikasyon ou nan dat 1ye avril peryòd 30 jou a ap kòmanse 2 avril epi n ap fè ou konnen si nou apwouve aplikasyon an oswa si nou bay refi pou li anvan 1ye me.
Rechèch/ Tcheke Sitiyasyon
Kijan mwen kapab wè dènye enfòmasyon sou aplikasyon mwen (yo) ak dosye mwen yo?
Ou kapab tcheke sitiyasyon aplikasyon ou sou ACCESS HRA. Sou ekran Paj Dakèy la, klike sou bouton "Wè Dosye Mwen yo".

Si ou pa te konekte kont ACCESS HRA ou ak dosye HRA ou, yo pral mande pou ou bay Dat Nesans kontak prensipal la ak Nimewo Sekirite Sosyal oswa Nimewo Idantifikasyon Kliyan li (CIN, Client Identification Number). Sa pral pèmèt HRA jwenn istwa ou.

Ou kapab wè tout dosye SNAP ak Asistans Lajan Kach ou pou 12 dènye mwa yo. Klike sou lyen "Montre Enfòmasyon" akote chak dosye pou jwenn detay pou sitiyasyon yo, randevou k ap vini, ak nenpòt pwochen etap ou pral gen pou pran pou konplete pwosesis aplikasyon oswa re-konfimasyon an.

Nan telefòn, ou ka kontakte Infoline nan 718-557-1399 si ou gen kesyon sou sitiyasyon aplikasyon ou oswa re-konfimasyon ou.

Ou kapab ale nan yon sant SNAP lokal pou mande enfòmasyon sou dosye ou.
Èske mwen ka resevwa mesaj tèks oswa imèl sou aplikasyon oswa dosye mwen?
Wi ou kapab!

Si ou chwazi pou resevwa mesaj tèks ak/oswa imèl sou aplikasyon ou, epi ou bay enfòmasyon adrès imèl ak telefòn selilè ki valab, ou kapab resevwa mesaj imèl ak/oswa mesaj tèks sou aplikasyon ou ak dat randevou k ap vini yo.

Imèl:Premyèman, nou pral voye yon imèl pou ou ki mande pou ou konfime adrès imèl ou. Lè ou louvri imèl la epi ou klike sou lyen an, adrès imèl ou pral konfime nan sistèm nou an, epi ou pral kòmanse resevwa mesaj imèl sou aplikasyon ou oswa sou dosye ou. Nou pa pral janm kominike adrès imèl ou oswa voye enfòmasyon konfidansyèl dosye ou nan imèl.

Tèks: Si ou vle resevwa mesaj tèks sou aplikasyon ou oswa sou dosye ou, tanpri bay yon nimewo kontak kote nou ka voye mesaj tèks. Tanpri sonje ou ka gen pou peye tarif konpayi telefòn ou pou mesaj nan tèks.

Ou ka modifye preferans sa yo nenpòt ki lè depi ou konekte nan ACCESS HRA epi ou klike sou opsyon meni dewoulan an; ki sou seksyon anwo sou bò dwat nan pwochen paj la, akote non itilizatè ou oswa adrès imèl ou epi chwazi 'Pwofil'. Pou korije enfòmasyon ou, klike sou bouton "Mizajou" a ki nan seksyon 'Enfòmasyon pou Pran Kontak' la.
Èske mwen ka resevwa avi sou entènèt?

Ou ka wè ki avi ke ou fèk resevwa pou dosye ou a depi ou konekte sou ACCESS HRA epi ou chwazi "Avi Elektwonik" nan opsyon meni an. Si ou enskri nan avi Elektwonik, ou dwe li tout avi yo bay pou dosye ou nan 30 jou. Si ou pa fè sa, w ap anile enskripsyon ou nan avi Elektwonik.

Tanpri sonje sa a: Se pa tout avi nan dosye ou k ap parèt sou paj sa a. W ap resevwa sèten avi sèlman pa lapòs nan 'Adrès Postal' ki nan dosye ou. Pou w ka wè yon avi, klike sou ikòn ki di "Gade Avi yo".

HRA ap fè w konnen lè notifikasyon yo afiche nan kont ACCESS HRA ou. Tanpri sonje ou ka mete preferans sa yo ajou nenpòt ki lè depi ou konekte sou ACCESS HRA epi ou klike sou opsyon meni dewoulan an; ki sou seksyon anwo sou bò dwat nan pwochen paj la, akote non itilizatè ou oswa adrès imèl ou epi chwazi 'Pwofil'. Pou korije enfòmasyon ou, klike sou bouton "Mizajou" a ki nan seksyon 'Enfòmasyon pou Pran Kontak' la.

Si ou pa te konekte kont ACCESS NYC ou ak dosye Administrasyon Resous Imèn (Human Resources Administration, HRA) ou, ou pral wè paj "Jwenn Dosye pa mwen a" kote yo pral mande pou ou bay Dat Nesans ak Nimewo Sekirite Sosyal OSWA Nimewo Idantifikasyon Kliyan (CIN, Client Identification Number). Sa pral pèmèt HRA jwenn enfòmasyon sou dosye ou.
Pandan konbyen tan mwen kapab resevwa avantaj yo?
  • Pa gen limit sou kantite tan ou kapab resevwa avantaj yo.
  • Oumenm ak moun lakay ou kapab resevwa avantaj yo toutotan nou satisfè kondisyon pou kalifye yo epitou depi nou kolabore avèk kondisyon pwogram HRA.
  • Ou kapab toujou aplike pou Avantaj SNAP menmsi ou rive nan limit tan Èd lajan Kach (Cash Assistance) ou.
Si yo bay refi pou aplikasyon mwen, nan konbyen tan mwen kapab aplike ankò?
Ou gen dwa pou re-aplike yon lòt lè.
Kijan mwen kapab tcheke sitiyasyon aplikasyon mwen pou SNAP?

Sou entènèt: Ou kapab tcheke sitiyasyon aplikasyon ou sou ACCESS HRA nan paj 'Akèy' ou a.

Si ou pa te konekte kont ACCESS NYC ou ak dosye Administrasyon Resous Imèn (Human Resources Administration, HRA) ou, ou pral wè paj "Jwenn Dosye pa mwen a" kote yo pral mande pou ou bay Dat Nesans ak Nimewo Sekirite Sosyal OSWA Nimewo Idantifikasyon Kliyan (CIN, Client Identification Number). Sa pral pèmèt HRA jwenn enfòmasyon sou dosye ou.

Istorik Dosye a: Ou kapab wè tout dosye ou pou 12 dènye mwa yo, ansanm ak sitiyasyon chak dosye depi ou klike sou opsyon meni "Avantaj yo" a sou tèt paj la.

Detay sou Dosye a: Ou kapab wè dat limit pou re-konfimasyon ou a, mande yon lèt bidjè, moun lakay ou ki nan dosye ou ak plis bagay toujou lè ou klike sou kat ki nan opsyon "Gade Dosye" a.

Nan telefòn: Rele Liy Enfòmasyon an nan 718-557-1399 si ou gen lòt kesyon sou dosye w la.

Nan yon sant: Ou kapab rele oswa ale nan yon Sant Travay pou mande enfòmasyon sou dosye ou.
Kisa pou mwen fè si mwen te deja soumèt aplikasyon mwen oswa re-konfimasyon mwen (pa lapòs, faks, oswa sou entènèt)?
Pa gen nesesite pou soumèt yon aplikasyon sou entènèt si ou te fèk soumèt yon lòt aplikasyon ba HRA pou menm pwogram nan. Yon moun nan HRA ap kontakte ou pou ba ou randevou pou yon entèvyou pou aplikasyon ou.

Tanpri kontakte InfoLine nan 718-557-1399 pou konnen sitiyasyon aplikasyon ou.
Kisa pou mwen fè si mwen te soumèt yon aplikasyon anvan epi mwen retire aplikasyon an, èske sa ap gen yon konsekans negatif sou dènye aplikasyon mwen?
Si ou retire yon aplikasyon SNAP sa p ap gen yon konsekans negatif sou dènye aplikasyon SNAP ou. Moun ki aplike yo lib pou retire aplikasyon yo epi pou yo aplike tout kantite fwa yo kwè ki nesesè san yo pa tonbe anba sanksyon.
Kijan pou mwen mande yon aranjman rezonab?
Tanpri swiv direktiv ou jwenn nan http://www1.nyc.gov/site/hra/help/ada.page. Si ou gen lòt kesyon, tanpri kontakte Infoline nan (718) 557-1399
Ki kote mwen kapab enskri pou vote?
Ou kapab enskri pou vote nan nenpòt Sant HRA oswa Bank PC. Mande nenpòt anplwaye ki nan Bank PC a pou yon fòm Enskripsyon pou Elektè, ranpli fòm nan epi siyen li epi depoze li nan panye ki la pou sa. N ap voye li pa lapòs bay Komisyon Eleksyon (Board of Elections) an pou ou. Oswa, si ou pito, ou ka enprime fòm nan epi voye li pa lapòs soti lakay ou kòm pati nan Aplikasyon w ap remèt la oswa Re-konfimasyon. Ranpli fòm nan epi voye li pa lapòs bay Komisyon Eleksyon an, 32 Broadway, 7th Floor, New York, NY 10275-0067. Si ou ta renmen rele Komisyon Eleksyon an (www.vote.nyc.ny.us) pou jwenn enfòmasyon, rele nimewo 866-VOTE-NYC; TTY 212-487-5496.