Kesyon Moun Poze Souvan sou Asistans Lajan Kach
Fason pou Soumèt yon Aplikasyon
Aplikasyon pou Èd Lajan Kach ak Re-konfimasyon
Kimoun ki kapab aplike?
Tout moun, kèlkeswa laj, sitwayènte, sitiyasyon imigrasyon oswa revni yo, gen pèmisyon pou aplike pou Asistans Lajan Kach (Cash Assistance, CA), Pwogram Asistans Nitrisyon Siplemantè (Supplemental Nutrition Assistance Program, SNAP) ak Asistans Medikal (Medical Assistance, MA)

Nenpòt moun ki gen plis pase 18 an ka mande pou kreye pwòp dosye CA li, menm pandan l ap viv kay paran li.

Èske mwen bezwen gen yon Nimewo Sekirite Sosyal [Social Security Number (SSN)] pou mwen kalifye pou avantaj yo?
Anjeneral, pou kalifye pou avantaj Asistans Lajan Kach, oumenm ak tout moun lakay ou dwe gen yon Nimewo Sekirite Sosyal (Social Security Number, SSN) ki valab oswa ou dwe montre prèv ki endike ou aplike pou youn. ACCESS HRA kenbe tout enfòmasyon ou an sekrè ak pwoteje.

Si ou aplike pou avantaj Asistans Lajan Kach sou non timoun ou yo epi ou pa gen papye imigrasyon, ou pa oblije gen yon SSN oubyen montre ke ou te aplike pou yon SSN, epi Ajans la pa kapab fè aksyon ki pa anfavè kay ou. Timoun ou yo dwe gen yon SSN valab oubyen yo dwe te aplike pou yonn pou yo kalifye pou avantaj Asistans Lajan Kach.
Kisa pou mwen fè si mwen pa gen yon SSN?
Si ou aplike pou avantaj Asistans Lajan Kach men ou pa gen yon SSN, ou ka toujou kalifye pou avantaj yo si ou montre prèv ke ou te aplike pou yonn. Yon anplwaye ap diskite sou chwa ou yo pou avantaj yo pandan entèvyou premye aplikasyon ou pou travay sou aplikasyon ou an epi li pral bay enfòmasyon sou fason pou aplike pou yon SSN si nesesè. Si ou se yon imigran san papye legal k ap aplike pou benefis pou pitit ou yo sèlman, ou pa bezwen bay oswa montre prèv aplikasyon pou yon nimewo sosyal sekirite pou tèt ou. Ou kapab konnen kijan pou aplike pou yon SSN la a: Social Security Number And Card
Èske kondisyon imigrasyon mwen pral afekte kalifikasyon mwen?
Sitiyasyon imigrasyon ak kalifikasyon pou Asistans Lajan Kach konplike, men ou dwe aplike kanmenm pou avantaj si oumenm ak fanmi ou bezwen yo. Yon anplwaye ap evalye sikonstans chak moun pou detèmine kalifikasyon.

Ou kapab aplike epi ou resevwa avantaj Asistans Lajan Kach pou moun nan kay la (yo) ki kalifye, menmsi oumenm oswa lòt moun lakay ou pa kalifye pou avantaj yo akòz sitiyasyon imigrasyon nou.

Pa egzanp, paran ki pa gen papye yo kapab aplike pou Asistans Lajan Kach pou pitit yo ki gen papye, epitou yo kapab resevwa avantaj yo pou timoun ki kalifye yo. Ou ka kalifye pou Avantaj Asistans Lajan Kach si ou se yon sitwayen Etazini (U.S.), yon moun ki pa sitwayen Etazini (moun ki fèt nan Samowa Ameriken), oswa yon moun ki kalifye ki pa sitwayen (pa egzanp yon refijye).

Anplwaye Sant Travay yo ap bay enfòmasyon ki nesesè pou detèmine si ou kalifye dapre sitiyasyon imigrasyon ou.
Kimoun ki dwe sou aplikasyon mwen an pou Asistans Lajan Kach?
Ou dwe mete tout moun k ap viv avèk ou sou aplikasyon an, menmsi yo pa ap aplike pou avantaj yo.

NÒT: Ou dwe diskite sou sèten sitiyasyon lavi ak travayè ou an si ou gen yon elèv ki lwen lakay la, oswa yon moun ki lwen pou sèvis militè yo.
E si mwen pa kapab aplike pou tèt mwen oswa mwen pa kapab vini nan Sant Travay la pou aplike pou avantaj yo?
Si ou pa kapab ranpli aplikasyon an, oubyen vini nan yon Sant Travay akòz yon pwoblèm medikal oswa klinik, gen opsyon ki disponib pou ou.

Demann pou Vizit nan Kay – Si ou gen yon pwoblèm sante fizik oswa yon pwoblèm sante mantal ki anpeche ou kite kay ou oswa katye ou, oswa ki konfime ou pa kapab ale nan yon biwo HRA pou okipe de afè anrapò ak ajans kote pa gen lòt aranjman ki disponib (tankou lèt, faks, telefòn oswa reprezantan otorize), HRA ap vin vizite ou lakay ou. Ou ka kontakte Biwo Sèvis Elektè (Office of Constituent Services, OCS) nan (212) 331-4640.

Chwazi yon Reprezantan Otorize – Ou ka chwazi, alekri, yon moun (zanmi, fanmi oswa yon lòt ajans) pou aplike pou avantaj sou non ou si ou ka pwouve ke ou gen yon bon rezon pou sa tankou, yon pwoblèm fizik oswa mantal, oswa lòt sikonstans ki depase kontwòl ou ki anpeche ou anmezi konfòme ou avèk egzijans ranpli yon aplikasyon poukont ou.

Moun ou chwazi a dwe aji sou non ou yo epi li dwe gen volonte ak kapsite pou bay enfòmasyon sou ou ki nesesè pou detèmine si ou kalifye pou avantaj yo.

Chwazi pou sèvi ak yon reprezantan otorize pa vle di ou pral egzante pou sèten kondisyon kalifikasyon pou asistans lajan kach. Sa ka gen ladan bagay tankou kolabore avèk Biwo Sèvis Sipò Timoun ak bay enfòmasyon egzat lè yo mande yo, oswa enfòme ajans lan sou chanjman nan moun lakay ou ki ka gen efè sou kalifikasyon.
Kisa aplikasyon an ap mande?
Aplikasyon an pral poze ou kesyon sou:
  • Moun (moun lakay ou) k ap viv lakay ou, tankou laj yo, sa yo ye pou ou, ak kondisyon imigrasyon yo.
  • Lajan moun lakay ou touche nan moman an lè yo travay nan yon djòb oswa nan travay endepandan.
  • Lajan moun lakay ou resevwa nan lòt sous tankou (men pa sèlman), lajan yo resevwa nan Avantaj Asirans Chomaj (Unemployment Insurance Benefits, UIB), Konpansasyon Travayè, Avantaj Sekirite Sosyal, Sipò Timoun, ak Revni Sekirite Siplemantè (Supplemental Security Income, SSI).
  • Bòdwo ak depans kay ou peye chak mwa ansanm ak peman lwaye oswa peman prè ipotekè, elektrisite, chofaj, gadri oswa bòdwo medikal (ki peye oswa ki pa peye).
  • Resous ki disponib pou moun lakay ou, tankou lajan kach yo gen nan men yo ak nan kont labank yo.
  • Si nenpòt nan moun lakay ou enskri nan yon enstitisyon aprantisaj avanse, tankou kolèj, pwogram fòmasyon pou jwenn travay, biznis, oswa lekòl pwofesyonèl.
N ap mande ou pou bay prèv kèk repons ou te bay. Pou jwenn plis detay, tanpri gade Kesyon Moun Poze Souvan (Frequently Asked Question, FAQ) pou konnen egzijans dokiman yo.
Èske aplikasyon pou Asistans Lajan Kach sou entènèt diferan avèk aplikasyon pou Asistans Lajan Kach sou papye?
  • Nou ka poze ou kesyon yo yon fason diferan sou entènèt pase sou fòm papye a, men menm enfòmasyon yo ap obligatwa nan tout ka yo.
  • Administrasyon Resous Imèn (Human Resources Administration, HRA) detèmine si ou kalifye, kit ou soumèt aplikasyon ou sou entènèt oswa sou papye.
  • Nou itilize menm metòd la nan HRA pou aplikasyon yo kit ou soumèt yo an pèsòn, sou entènèt, pa faks, kit ou soumèt yo pa lapòs.
Ki avantaj ki genyen pou soumèt yon aplikasyon ki ranpli sou entènèt ?
Men avantaj ki genyen lè ou soumèt yon aplikasyon konplè:
  • Sa ta ka ekonomize ou tan pandan entèvyou a avèk anplwaye HRA. Si ou bay plis enfòmasyon nan aplikasyon ou fè sou entènèt kounye a, anplwaye HRA ou an ta ka gen mwens kesyon pou poze ou pita.
  • Ou kapab travay sou aplikasyon ou nan ritm pa ou.
  • Soumèt pa mwayen elektwonik la fèt touswit epi li pa mande tan pou poste.
  • Ou ka enprime yon kopi fasilman oswa konsève yon fichye PDF pou repons aplikasyon ou.
Pwochen Etap yo/ Fason pou Fè Pwosesis la pou Konnen Si Ou Kalifye
Kisa ou bezwen pou pran yon desizyon kalifikasyon sou aplikasyon mwen an?
Gen kèk etap pou ou pase nan pwosesis la anvan yo ka pran yon desizyon:
  1. Ranpli, siyen ak soumèt aplikasyon ou sou fòm elektwonik sou entènèt.
  2. Yon anplwaye HRA ap revize aplikasyon ou, epi tout moun 18 an oswa plis dwe fè entèvyou kalifikasyon pou bay tout enfòmasyon ki nesesè
  3. Bay dokiman enfòmasyon ki egzije pou konfimasyon (travayè ou an pral fè ou konnen kisa ou dwe bay)
  4. Respekte tout lòt kondisyon ou diskite avèk travayè ou an pou lòt randevou yo, elatriye.
Nòt: Si ou ranpli tout seksyon ou kapab nan aplikasyon an anvan ou soumèt li, sa ka redui kantite tan ki nesesè pou fè entèvyou sou kalifikasyon ou avèk yon anplwaye HRA.
Kisa pou mwen fè si mwen rate entèvyou ki pwograme a?
Si ou rate randevou a, ou pral resevwa yon apèl otomatik ak yon lèt rapèl pa lapòs ki di ou te rate randevou a. Y ap ba ou yon nimewo telefòn pou rele pou ou pran yon lòt randevou pou entèvyou. Ou pral resevwa yon lèt randevou rate, epi ou pral jwenn sou li nimewo pou pran yon lòt randevou entèvyou ou. Si ou se yon patisipan ou pral resevwa apèl otomatik la ak rapèl alekri a men ou ka kontakte travayè ou tou.
Kijan m ap fè entèvyou mwen pou Asistans Lajan Kach?
Anvan ou kapab resevwa avantaj yo, ou ap bezwen fè entèvyou ou avèk yon anplwaye HRA fas-a-fas. Apre nou resevwa aplikasyon ou, yo pral voye ou bòkote yon anplwaye HRA pou entèvyou fas-a-fas ou an, oswa yon anplwaye HRA ap kontakte ou pou ba ou yon randevou pou entèvyou a. Ou pral resevwa yon apèl otomatik ki fè ou sonje randevou ki pwograme ou genyen k ap vini an. Li enpòtan pou bay nimewo telefòn(yo) kote nou kapab kontakte ou pou ou kapab resevwa avi sou dat randevou ou nan yon mannyè apwopriye.

Si ou te aplike pou yon avantaj ijans oswa bezwen imedya, ou ka oblije gen yon entèvyou menm jou an apre ou soumèt aplikasyon sou entènèt ou.
Kijan mwen kapab soumèt dokiman yo pou kalifikasyon mwen?
Apre ou soumèt aplikasyon ou, yon lis dokiman ou ka bezwen bay Administrasyon Resous Imèn (Human Resources Administration, HRA) ap parèt. Li sa a ka diferan pou chak kay, selon ki enfòmasyon ou te bay sou aplikasyon ou.

Gid Dokiman pou Asistans Lajan Kach (W-119D) bay yon lis detaye tout dokiman ou kapab itilize pou verifye enfòmasyon ou te bay nan aplikasyon ou.

Pandan entèvyou ou, anplwaye HRA a ap fè ou konnen ki kalite dokiman ou dwe soumèt pou ede detèmine si ou kalifye. Anplwaye HRA a pral ba ou yon randevou tou pou retounen dokiman yo an pèsòn nan Sant Travay la.

Pou detèmine kalifikasyon ou, ou ka soumèt dokiman yo nan yon Sant Travay, pa faks, oswa pa lapòs.

Klike sou lyen ki anba la a pou jwenn adrès postal, nimewo telefòn ak nimewo faks Sant Travay ou:

Adrès Sant Travay yo

Nan yon Sant Travay, ou ka ale nan sèvis kliyan oswa sèvis ekanè endepandan an pou soumèt dokiman ou yo. Tanpri sonje pou soumèt kopi dokiman ou yo epi pa poste orijinal yo.

Y ap voye yon resi dokiman pou ou pa lapòs depi HRA fin travay sou dokiman ou yo.
Èske mwen gen pou travay pou mwen kapab resevwa avantaj yo?
Anjeneral, si yo konsidere ou kòm kosto, ou dwe konfòme ou avèk kondisyon travay ajans lan. Gen divès kalite fason pou ranpli kondisyon travay yo tankou: enskri nan yon pwogram edikasyon/fòmasyon HRA apwouve oswa enskri nan yon pwogram diplòm kolèj de-ane oswa kat-ane ki apwouve, oswa si w ap travay atanplen kounye a. Gen egzanpsyon ki baze sou laj, limit medikal ak fizik, ak lòt konsiderasyon. Ou ta dwe pale ak travayè ou pou pale sou nenpòt egzanpsyon ki posib ke oumenm oswa lòt moun nan kay la ka kalifye pou li. Men, sonje objektif la se pou oumenm ak pou moun lakay ou yo vin endepandan.
Èske mwen kalifye pou Èd Annijans?
Ou ka kalifye pou resevwa èd annijans si ou gen yon ijans ou pa kapab prevwa tankou debranchman sèvis piblik, degèpisman annatant nan kay/apatman ou, ou pa gen manje, oswa si ou bezwen ranplase rad oswa mèb paske ou te viktim yon dife oswa lòt katastwòf nan kay/apatman ou.
Nan konbyen tan m ap resevwa avantaj mwen yo?
Anvan ou kapab resevwa avantaj yo, ou dwe fè yon entèvyou fas-a-fas avèk yon anplwaye HRA pou li kapab kòmanse konnen pou ki avantaj ou kalifye pou resevwa. Selon ki kalite avantaj pwogram ou kalifye pou resevwa, li ka pran jiska 30 a 45 jou pou ou resevwa avantaj regilye, men pou sèten ka li kapab pi bonè. Si ou aplike pou èd annijans/bezwen imedya, li kapab pi bonè selon ijans lan.
Rechèch/ Tcheke Sitiyasyon
Si yo bay refi pou aplikasyon mwen, nan konbyen tan mwen kapab aplike ankò?
Ou gen dwa pou re-aplike yon lòt lè.
Kijan mwen kapab tcheke sitiyasyon aplikasyon mwen pou Asistans Lajan Kach?

Sou entènèt: Ou kapab tcheke sitiyasyon aplikasyon ou sou ACCESS HRA nan paj 'Akèy' ou a.

Si ou pa te konekte kont ACCESS NYC ou ak dosye Administrasyon Resous Imèn (Human Resources Administration, HRA) ou, ou pral wè paj "Jwenn Dosye pa mwen a" kote yo pral mande pou ou bay Dat Nesans ak Nimewo Sekirite Sosyal OSWA Nimewo Idantifikasyon Kliyan (CIN, Client Identification Number). Sa pral pèmèt HRA jwenn enfòmasyon sou dosye ou.

Istorik Dosye a: Ou kapab wè tout dosye ou pou 12 dènye mwa yo, ansanm ak sitiyasyon chak dosye depi ou klike sou opsyon meni "Avantaj yo" a sou tèt paj la.

Detay sou Dosye a: Ou kapab wè dat limit pou re-konfimasyon ou a, mande yon lèt bidjè, moun lakay ou ki nan dosye ou ak plis bagay toujou lè ou klike sou kat ki nan opsyon "Gade Dosye" a.

Nan telefòn: Rele Liy Enfòmasyon an nan 718-557-1399 si ou gen lòt kesyon sou dosye w la.

Nan yon sant: Ou kapab rele oswa ale nan yon Sant Travay pou mande enfòmasyon sou dosye ou.
Kisa pou mwen fè si mwen te deja soumèt aplikasyon mwen oswa re-konfimasyon mwen (pa lapòs, faks, oswa sou entènèt)?
Pa gen nesesite pou soumèt yon aplikasyon sou entènèt si ou te fèk soumèt yon lòt aplikasyon ba HRA pou menm pwogram nan. Yon moun nan HRA ap kontakte ou pou ba ou randevou pou yon entèvyou pou aplikasyon ou. Tanpri kontakte InfoLine nan 718-557-1399 pou konnen sitiyasyon aplikasyon ou.
Èske mwen ka resevwa mesaj tèks oswa imèl sou aplikasyon oswa dosye mwen?
Wi ou kapab!

Si ou chwazi pou resevwa mesaj tèks ak/oswa imèl sou aplikasyon ou, epi ou bay enfòmasyon adrès imèl ak telefòn selilè ki valab, ou kapab resevwa mesaj imèl ak/oswa mesaj tèks sou aplikasyon ou ak dat randevou k ap vini yo.

Imèl: Premyèman, nou pral voye yon imèl pou ou ki mande pou ou konfime adrès imèl ou. Lè ou louvri imèl la epi ou klike sou lyen an, adrès imèl ou pral konfime nan sistèm nou an, epi ou pral kòmanse resevwa mesaj imèl sou aplikasyon ou oswa sou dosye ou. Nou pa pral janm kominike adrès imèl ou oswa voye enfòmasyon konfidansyèl dosye ou nan imèl.

Tèks:Si ou vle resevwa mesaj tèks sou aplikasyon ou oswa sou dosye ou, tanpri bay yon nimewo kontak kote nou ka voye mesaj tèks. Tanpri sonje ou ka gen pou peye tarif konpayi telefòn ou pou mesaj nan tèks.

Ou ka modifye preferans sa yo nenpòt ki lè depi ou konekte nan ACCESS HRA epi ou klike sou opsyon meni dewoulan an; ki sou seksyon anwo sou bò dwat nan pwochen paj la, akote non itilizatè ou oswa adrès imèl ou epi chwazi 'Pwofil'. Pou korije enfòmasyon ou, klike sou bouton "Mizajou" a ki nan seksyon 'Enfòmasyon pou Pran Kontak' la.
Èske mwen ka resevwa avi sou entènèt?

Ou ka wè ki avi ke ou fèk resevwa pou dosye ou a depi ou konekte sou ACCESS HRA epi ou chwazi "Avi Elektwonik" nan opsyon meni an. Si ou enskri nan avi Elektwonik, ou dwe li tout avi yo bay pou dosye ou nan 30 jou. Si ou pa fè sa, w ap anile enskripsyon ou nan avi Elektwonik.

Tanpri sonje sa a: Se pa tout avi nan dosye ou k ap parèt sou paj sa a. W ap resevwa sèten avi sèlman pa lapòs nan 'Adrès Postal' ki nan dosye ou. Pou w ka wè yon avi, klike sou ikòn ki di "Gade Avi yo".

HRA ap fè w konnen lè notifikasyon yo afiche nan kont ACCESS HRA ou. Tanpri sonje ou ka mete preferans sa yo ajou nenpòt ki lè depi ou konekte sou ACCESS HRA epi ou klike sou opsyon meni dewoulan an; ki sou seksyon anwo sou bò dwat nan pwochen paj la, akote non itilizatè ou oswa adrès imèl ou epi chwazi 'Pwofil'. Pou korije enfòmasyon ou, klike sou bouton "Mizajou" a ki nan seksyon 'Enfòmasyon pou Pran Kontak' la.

Si ou pa te konekte kont ACCESS NYC ou ak dosye Administrasyon Resous Imèn (Human Resources Administration, HRA) ou, ou pral wè paj "Jwenn Dosye pa mwen a" kote yo pral mande pou ou bay Dat Nesans ak Nimewo Sekirite Sosyal OSWA Nimewo Idantifikasyon Kliyan (CIN, Client Identification Number). Sa pral pèmèt HRA jwenn enfòmasyon sou dosye ou.
Kijan pou mwen mande yon aranjman rezonab?
Tanpri swiv direktiv ou jwenn nan http://www1.nyc.gov/site/hra/help/ada.page. Si ou gen lòt kesyon, tanpri kontakte Infoline nan (718) 557-1399
Ki kote mwen kapab enskri pou vote?
Ou kapab enskri pou vote nan nenpòt Sant HRA oswa Bank PC. Mande nenpòt anplwaye ki nan Bank PC a pou yon fòm Enskripsyon pou Elektè, ranpli fòm nan epi siyen li epi depoze li nan panye ki la pou sa. N ap voye li pa lapòs bay Komisyon Eleksyon (Board of Elections) an pou ou. Oswa, si ou pito, ou ka enprime fòm nan epi voye li pa lapòs soti lakay ou kòm pati nan Aplikasyon w ap remèt la oswa Re-konfimasyon. Ranpli fòm nan epi voye li pa lapòs bay Komisyon Eleksyon an, 32 Broadway, 7th Floor, New York, NY 10275-0067. Si ou ta renmen rele Komisyon Eleksyon an (www.vote.nyc.ny.us) pou jwenn enfòmasyon, rele nimewo 866-VOTE-NYC; TTY 212-487-5496.
Jwenn dokiman ou bezwen yo pou demann Sibvansyon Espesyal ou an:
Ou kapab jwenn dokiman obligatwa ajans lan mande yo sou paj dosye Avi Elektwonik ou an. Si w te soumèt yon demann Sibvansyon Espesyal dènyeman sou ACCESS HRA, ou kapab jwenn dokiman obligatwa w yo sou paj Pwochen Etap ou yo. Ou kapab aksede ak li atravè paj Akèy Itilizatè ou an.

Tanpri gade lyen pi ba yo pou w telechaje kopi vyèj fòm dokiman obligatwa ki disponib sou Entènèt yo.


Fason pou m peye frè lojman mwen dwe a:

Sèten òganizasyon kominotè kapab ede ou aplike pou èd pou ipotèk. Klike la a pou jwenn plis enfòmasyon.
Peye pou Sèvis Piblik Ou Dwe Yo: Fason pou m peye pou depo: Èd nan Demenajman: Fason pou m ajoute yon moun nan kay la:
Fòm yo ap louvri nan Adobe Reader. Si ou pa gen Adobe Reader, klike sou lyen an pou telechaje li: Adobe Reader
Ki jan pou m jwenn plis enfòmasyon sou pwogram èd yo?
Klike la a pou w jwenn plis enfòmasyon sou pwogram Biwo Otonomizasyon ak Konsèy Finansye Vil New York la.

Kèk òganizasyon bay sèvis dosye epitou yo ede moun ak fanmi yo jwenn resous kominotè ki egziste deja yo tankou sèvis legal k ap konbat degèpisman ak èd finansyè akoutèm. Klike la a pou w jwenn plis enfòmasyon.


Kèk ajans k ap bay sèvis nan kominotè a kapab ede w aplike pou w jwenn èd pou lwaye. Klike la a pou w jwenn plis enfòmasyon.
Ki jan pou m mande èd pou m peye frè ki gen pou wè ak travay yo?
Li posib pou HRA kapab ede w avèk frè pou aktivite apwouve ki gen rapò ak travay yo tankou chèche travay. Frè sa yo kapab gen ladan yo:
    Transpò Piblik Nesesè
    Rad pou Patisipan nan Aktivite pou Chèche Travay ki gen Sikonstans Esepsyonèl yo
    Frè Lisans / Inifòm / Pwodui Dirab
Lè w kòmanse yon aktivite travay, ou pral jwenn èd pou frè ki lye yo. Si bezwen w yo chanje oswa ou pa jwenn èd ou bezwen an, ou ta dwe enfòme founisè w la. Si founisè w lan pa ede w, ou kapab soumèt yon demann nan Sant Travay ou an nan telefòn, faks, lapòs oswa an pèsonn.
Pou alokasyon pou sèvis gadri, tanpri kontakte Sant Travay ou an pou w jwenn èd.
Ki jan pou mwen aplike pou Alokasyon pou Antèman?

Li posib pou HRA kapab ede w kouvri frè antèman yo apre lanmò yon fanmi oswa yon zanmi. Sèvis Demann pou Antèman an pral ede w. Ou dwe ranpli epi remèt aplikasyon yo an pèsonn nan yon delè 60 jou apre lanmò a.

Ranpli epi remèt fòm aplikasyon w lan
Ranpli epi remèt fòm aplikasyon w lan ba:
Office of Burial Services
Klike la pou jwenn nouvo adrès nou an

Tanpri kenbe sa nan tèt ou, pri total antèman dwe $1700 oswa mwens. Li posib pou HRA kapab kouvri jiska $900

Èske w gen kesyon? Rele nou nan (718) 473-8310
Tanpri pote dokiman sa yo avèk aplikasyon w lan
Ranpli epi remèt fòm aplikasyon w lan:
  • Kopi sètifye orijinal ak desè a
  • Kopi kontra antèman an
  • Kopi bòdwo simityè a oswa krematoryòm lan
  • Orijinal bòdwo antèman ki detaye direktè ponp finèb la siyen epi ki notarye
  • Orijinal fòm Deklarasyon sou Sèman Responsab Ponp Finèb, la ranpli, si ou dwe lajan toujou pou sèvis yo
  • Enfòmasyon sou byen moun ki mouri a
Li posib pou n mande plis dokiman pi devan.

Klike la a pou jwenn plis enfòmasyon sou Èd Finansyè pou Antèman.

Ki jan pou m jwenn èd pou m ranje chofo oswa chodyè m lan?
HRA ka ede kouvri depans pou reparasyon chofo a oswa chodyè a. Tanpri rele oswa nan yon biwo HRA pou w kapab pale avèk yon travayè sosyal. Klike la a pou kapab wè lis lokal kote nou ye yo.
Pwogram Èd pou Enèji nan Kay
212-331-3126

Lendi jiska vandredi 8:30am - 5:00pm
Demann pou Chanjman Dosye ak Sibvansyon Ijans
Kisa yon chanjman dosye ye?
Chanjman dosye yo se lè sitiyasyon lavi ou chanje. Pa egzanp, se kapab lè ou bezwen chanje moun ki sou dosye w la yo, lè w demenaje, oswa lè revni ou chanje. Ou kapab fè yon chanjman nan dosye w la lè w klike sou “Chanjman Dosye CA (CA Case Change)” sou paj akèy ACCESS HRA a epi lè w chwazi chanjman dosye ou bezwen an. Kèk chanjman dosye ka chanje kantite avantaj ou jwenn pou dosye w la. Pou kèk chanjman, HRA pral fè w konnen si ou kapab fè chanjman nan dosye w la (pa egzanp, si w ap retire yon moun nan dosye w la ki se yon minè).
Kisa pou m fè si revni mwen chanje?
Klike sou “Chanjman Dosye CA (CA Case Change)” sou paj akèy ACCESS HRA a. Epi chwazi “Fè chanjman nan revni ou (Make changes to your income)” epi klike sou “Kontinye (Continue).” Ou kapab fè chanjman nan revni ou lè w klike sou “Chanje (Edit)” toupre revni ou bezwen mete ajou a. Ou kapab ajoute yon nouvo kalite revni tou. Ou kapab fè sa pou revni ou fè nan yon travay, travay endepandan, Sekirite Sosyal ak Revni Sekirite Sosyal (SSI), Avantaj Asirans Chomaj (Unemployment Insurance Benefits, UIB), lajan yon lòt moun ba ou, oswa revni ou fè yon lòt kote.
Kisa pou m fè si mwen bezwen ajoute oswa retire yon moun sou dosye mwen?

Klike sou “Chanjman Dosye CA (CA Case Change)” sou paj akèy ACCESS HRA a. Epi chwazi “Chanje manm ki nan dosye a (yo) (Change case member(s))” epi klike sou “Kontinye (Continue).”

Si w bezwen ajoute yon moun nan dosye w la, nou pral mande w kèk enfòmasyon sou li, tankou laj li, sa li ye pou ou ak revni li. Nou ka mande w kèk dokiman sou moun sa a.

Si w vle retire yon moun nan dosye w la, nou pral mande w si li toujou ap viv avèk ou. Si li pa p viv avèk ou, nou pral mande w lè li te kite kay la ak rezon ki fè li te kite l. Si moun lan se yon minè, HRA pral fè w konnen si w kapab retire li nan dosye w la. Nou pral kontakte w tou si w ap peye sipò timoun pou li.
Èske mwen kapab mande plis pase yon chanjman nan dosye mwen an?
Wi. Sou paj “Chanjman Dosye ak Sibvansyon Ijans (Case Changes & Emergency Grants)”, ou kapab chwazi plis pase yon chanjman dosye oswa sibvansyon ijans. Annik klike sou kantite chanjman dosye oswa sibvansyon ijans ou bezwen. Lè w chwazi yon chanjman, ti kare a ap vin ble epi li ap koche. Epi klike sou “Kontinye (Continue)” epi suiv etap nou ba w yo.
Èske mwen kapab mande yon chanjman dosye avèk yon sibvansyon ijans?
Wi. Sou paj “Chanjman Dosye ak Sibvansyon Ijans (Case Changes & Emergency Grants)” lan, annik klike sou chanjman dosye ak sibvansyon ijans ou bezwen yo. Lè w chwazi yon chanjman dosye oswa sibvansyon ijans, ti kare a ap vin ble epi li ap koche. Epi klike sou “Kontinye (Continue)” epi suiv etap nou ba w yo.
Èske mwen kapab fèmen dosye mwen sou ACCESS HRA?
Kounye a, ou pa kapabb fèmen dosye w la gras ak ACCESS HRA. Si w bezwen fèmen dosye w la, tanpri itilize Aplikasyon Mobil ACCESS HRA a pou telechaje yon dokiman pou di nou bezwen fèmen dosye w la. Dokiman sa a dwe gen non ou, dat la, nimewo dosye ou ak siyati ou. Apre w fin ba nou dokiman sa a, HRA ka bezwen kontakte ou pou li jwenn plis enfòmasyon sou rezon ki fè w ap fèmen dosye w la.
Kijan mwen kapab enfòme HRA sou yon chanjman nan depans mwen yo?

Ou ta dwe enfòme nou si w fè depans ou pa t mete nan aplikasyon w lan, oswa si depans ou yo chanje. Depans sa yo kapab gen ladan yo lwaye oswa ipotèk, sèvis piblik yo, peman gadri, peman sipò timoun, oswa frè medikal yo.

Kounye a, ou pa kapab soumèt yon chanjman pou depans ou yo gras ak ACCESS HRA. Tanpri itilize Aplikasyon Mobil ACCESS HRA a pou telechaje yon dokiman ki montre depans ou fè kounye yo pito. Apre w fin ba nou dokiman sa a, HRA ka bezwen kontakte ou pou li jwenn plis enfòmasyon sou depans ou. Pou jwenn yon lis dokiman ou kapab soumèt pou depans ou yo, tanpri gade W-119D.

E si chanjman dosye a oswa demann sibvansyon espesyal mwen bezwen an pa disponib sou ACCESS HRA a?
Si èd ou bezwen an pa disponib sou ACCESS HRA, ou kapab fè demann ou an nan lapòs, faks, fas-a-fas nan Sant ou an oswa lè w rele liy enfòmasyon an nan 718-557-1399. Ou kapab itilize Aplikasyon Mobil ACCESS HRA a tou pou telechaje yon dokiman ki pou kore demann ou an. Dokiman sa a dwe gen non ou, dat la, nimewo dosye ou ak siyati ou. Apre w fin ba nou dokiman sa a, HRA ka bezwen kontakte ou pou li jwenn plis enfòmasyon.